Volver
Da Avaricia, a Luxuria e a Morte
Sinopse
En “Ligazón” a avaricia é un colar que enxoia o espertar do desexo erótico máis primario e animal, pero sobre todo é un inmenso e brutal berro de reafirmación da propiedade da muller sobre o seu propio corpo. A confabulación da Raposa e a Venteira non será quen de afogar a ansia de emancipación dunha Moza cos seus obxectivos perfectamente trazados. A noite, a lúa, os cans, delinean un pacto de sangue que conducirá á morte, máis tamén á liberdade.
En “A cabeza do Bautista”, o patriótico indiano retornado fuxindo de xustizas, e despois da boa e incomprendida acción de dotar a un pobo inculto de bar e billares, se reencontra co seu pasado encarnado no fillo da finada, que chega con intencións retortas de recuperar herdanzas e numerarios. O golpe so ten unha saída, e pasa por transportar ao forasteiro á cova. A conseguilo se aplica con esmero a Pepona, que con esa acción quedará irremisiblemente unida ao destino do indiano. Pero no intre final todo se disloca e o que debería ser morte faise vida nun sen remedio.
En “A rosa de papel” asistimos á agonía dunha traviata desesperada polo seu mal casar e contrariada porque o billetaxe dos seus aforros será malgastado por un mal home borrachón e anarquista. Cando o condenado regresa de encargar os divinos, en descubrindo as carnes brancas da defunta, entre os viños evaporados e os delirios desencaixados, súbenlle ao caletre todos os putrefactos desexos carnais e necrofílicos, pero o lume da fragua vai coller fachendas de redención e acabará con todo.
Web:
http://www.teatrodonoroeste.com/obra.php?idObra=63Candidaturas
- Espectáculo : Da Avaricia, a Luxuria e a Morte
- Actor Secundario : Fernando Tato
- Actriz Secundaria : Luma Gómez
- Actriz Secundaria : Imma António
- Actor Protagonista : Miguel Pernas
- Actriz Protagonista : Manuela Varela
- Maquillaxe : Teatro do Noroeste
- Vestiario : Antonio F. Simón
- Iluminación : Eduardo Alonso
- Escenografía : Antonio F. Simón
- Música Orixinal : Bernardo Martínez
- Adaptación/Tradución : Manuel Guede Oliva
- Dirección : Eduardo Alonso
Compañía
Teatro do Noroeste
Data estrea:
28/09/2018