O Festival celebrarase entre este sábado 12 e o domingo 2o de outubro enchendo de monicreques espazos como o Teatro Principal, a Fundación SGAE, a Alameda ou os centros socioculturais
Novas e actividades
Descubre todas as novidades da Asociación e as actividades que organizamos nela
-
O Consello da Cultura Galega publica o informe sobre a situación das traballadoras do sector audiovisual e escénico impulsado pola AAAG, AGA, Escena Galega e a Mostra de Cangas
O informe constata a desigualdade, a discriminación e os desequilibrios salariais no sector, así como tamén a maior incidencia da temporalidade e as dificultades de acceso ao mundo laboral para as mulleres. Ademais, o informe detecta a existencia de casos de acoso laboral e sexual
As citadas asociacións profesionais do sector fan un chamamento para a reflexión a todas as persoas que traballan no sector cultural, que representa o 3,5% do emprego total en Galicia, pero tamén ás administracións e mais ao público.
Pola continuidade das Residencias Escénicas Municipais en Compostela
>> O pleno do Concello de Santiago debaterá este xoves unha proposición de CA para manter e desenvolver a planificación das Residencias Escénicas Municipais da Sala Agustín Magán
>> A AAAG intervirá no pleno para apostar pola continuidade desta iniciativa na capital galega, nunha situación xeral preocupante que estamos a vivir ao respecto do apoio das institucións municipais ás artes escénicas como demostra a saída de Chévere do Concello de Teo ou a retirada de apoio do Concello de Ourense ao FITO
Un total de 38 espectáculos na programación dun FIOT Carballo coa mirada posta no teatro social
>> Carmen Maura, Teatro Kamikaze, Cándido Pazó, Quico Cadaval, Tito Asorey, Carolina Román, Álvaro Tato ou a Companhia do Chapitô formarán parte da programación, que se desenvolve do 27 de setembro ao 1 de novembro.
>> Producións Teatráis Excéntricas estrea, en coprodución co FIOT, 'Medida x Medida' o próximo 4 de outubro. Contraproducións, tamén en coprodución co Festival e o Focus, presentará no festival 'O electo'
A AAAG critica a decisión do Concello de Ourense de retirarlle o seu apoio ao FITO e amosa a súa solidariedade con Sarabela Teatro
O Fetega 'Celso Parada' do Carballiño celebra a súa trixésima edición a semana que vén
Dende o vindeiro luns 2 de setembro até o venres 6 de setembro, o festival ofrecerá no Auditorio Municipal Manuel María un programa conformado por cinco compañías (Contraproducións, Chévere, A Berberecheira, Redrum Teatro e Enconarte), ademais das montaxes de circo, maxia e de clown que se poderán ver no anfiteatro de Veracruz, os monólogos cómicos que levarán até O Carballiño os artistas Pepo Suevos, Xan Veiga, Fran Campos ou Víctor Grande e as actividades paralelas que completan o cartel.
A AAAG amosa o seu pesar e admiración por Celso Parada, pioneiro da profesionalización teatral e gran referente para o conxunto do oficio escénico
O PP tomba no Parlamento unha moción para abordar a refundación do CDG dende o diálogo co sector
>> O PSdeG presentou unha moción para instar a Xunta a convocar unha mesa de diálogo coa profesión escénica para tratar, entre outros asuntos, unha necesaria estrutura xurídica do CDG. O PP votou en contra e xa é un segundo "non" parlamentario do grupo popular nun mes a analizar o futuro da institución de teatro público.
>> Repasamos a actividade parlamentaria sobre o CDG que impulsaron os grupos da oposición tras as xuntanzas mantidas coa directiva da AAAG.
A AAAG colabora coa Mostra de Ribadavia e o FETEGA do Carballiño na organización de tres cursos de formación para profesionais da escena
Os prazos de inscrición para os tres cursos abren o luns, 1 de xullo, e os interesados poden inscribirse a través da páxina web da AAAG: www.aaag.gal.
➡️ "Escena e realidade – práctica e experiencia’”, con Alicia Laguna (Teatro Línea de Sombra, México) do 19 ao 21 de xullo dentro da programación da MIT Ribadavia
INSCRICIÓN: bit.ly/2KIPddc
➡️"Obradoiro de creación escénica con Ibuprofeno Teatro", do 22 ao 24 de xullo dentro da programación da MIT Ribadavia.
INSCRICIÓN: bit.ly/321hfWP
➡️"Obradoiro de Introdución ao traballo con arquetipos", con Nekane Fernández, do 24 e 25 de agosto dentro da programación de Fetega.
INSCRICIÓN bit.ly/2Xcah2I