O pasado día 27 publicouse no Diario Oficial de Galicia a resolución do 1 de abril de 2022, da Dirección Xeral de Relacións Laborais, pola que se dispón a inscrición no rexistro e a publicación da acta de revisión de táboas salariais para 2022 do Convenio colectivo de actores e actrices de teatro de Galicia.

O acordo resultou nun incremento do 7% das tarifas actualmente vixentes aplicable o 1 de xaneiro de 2021, e outro incremento do 3% aplicable o 1 de xullo de 2021.

O Comité de Saúde Laboral do Convenio de Actores e Actrices de Galicia , conformado polos sindicatos CCOO, CIG e UGT co asesoramento da Asociación de Actores e Actrices de Galicia por parte dos traballadores e Escena Galega e Axencia Galega das Industrias Culturais, acada un documento de consenso froito da colaboración colectiva

A sinatura do Convenio Colectivo de Teatro, que foi publicado polo DOG en abril de 2009, culminaba un longo proceso de máis dunha década e daba resposta ás reivindicacións primixenias da AAAG: creábase ao fin un marco laboral para toda unha profesión.