Volver
Unha inimiga do pobo
Sinopse
Unha inimiga do pobo é a adaptación dunha das pezas máis significativas da literatura dramática universal. Cento corenta anos despois o texto de Henrik Ibsen segue a servir de material inflamable para denunciar unha forma de facer política que antepón os beneficios económicos sobre a saúde da poboación, ao tempo que permite reflexionar sobre o poder dos medios de comunicación á hora de moldear a opinión pública e colocala no lugar no que ao poder lle interesa. A vixencia do texto maniféstase ao descubrir como os problemas incipientes que o protagonista afrontaba no século XIX aínda se volveron máis profundos e nocivos na actualidade. Coa vontade de aproximar aínda máis a peza, a Galicia actual serve de escenario para unha proposta onde a desinformación, o poder das redes sociais, a crise ecolóxica e a depredación neoliberal deseñan un contexto hostil no que as emocións humanas son sometidas á máxima presión.
SINOPSE
Helena é unha doutora de prestixio internacional que regresa á vila natal para comezar unha nova etapa. Embarazada de sete meses, afronta o seu novo estado coa ilusión posta nun novo proxecto profesional: o balneario que ela mesma deseñou, e que se presenta como un alternativa turística sostible e saudable para a súa vila. A inesperada contaminación das augas da zona e a súa loita por preservar a saúde da poboación fronte aos intereses económicos van colocala no punto de mira da veciñanza, que ve como se pon en risco a prosperidade da comunidade.
Web:
https://taliateatro.gal/gl/espectaculos/unha-inimiga-do-poboCandidaturas
- Espectáculo : Unha inimiga do pobo Premiado/a
- Actor Secundario : Toño Casais Premiado/a
- Actor Secundario : Dani Trillo
- Actor Secundario : Xurxo Barcala
- Actor Secundario : Diego Rey
- Actor Secundario : Rubén Prieto
- Actor Secundario : Artur Trillo
- Actriz Secundaria : Marta Ríos
- Actriz Secundaria : María Ordóñez
- Actriz Protagonista : Marta Lado Premiado/a
- Maquillaxe : Martina Cambeiro
- Vestiario : Martina Cambeiro
- Iluminación : Laura Iturralde Premiado/a
- Adaptación/Tradución : Tito Asorey e Vanesa Sotelo Premiado/a
- Dirección : Tito Asorey Premiado/a
- Espazo sonoro : Manu Abraldes
- Espazo escénico : Dani Trillo Premiado/a
Compañía
TALÍA TEATRO
Data estrea:
03/03/2023