Volver
Kyoki
Sinopse
É unha creación destinada ao público infantil e familiar a partir dos 5 anos. O espectáculo aborda a temática do esquecemento, da vellez e da soidade. KYOKI significa “demencia” en xaponés e refírese a unha alteración da capacidade para recordar, pensar ou tomar decisións. É certo que adoita aparecer en persoas de idade avanzada, mais... Quen nunca esqueceu onde colocou a caixa das galletas? Ou por distracción vestiu o xersei do revés? Ou saiu de casa atrasado para o cole sen peitear o cabelo?
KYOKI retrata un deses días catastróficos máis é tamén unha homenaxe a todas as persoas maiores que perdendo a cabeza recobran dalgun xeito a inocencia que o tempo e as inclemencias do camiño un día se levaron.
A través dunha linguaxe xestual fundamentada na manipulación de obxectos e a interacción constante co dispositivo escénico, o espectáculo crea un universo cómico e poético que viaxa do realismo á hipérbole da vida cotidiana.
KYOKI evoca múltiples situacións e personaxes que dun xeito ou outro podemos recoñecer como presentes nas nosas vidas.
É unha ollada cómplice, reflexiva e sensible ao univeso dos conflitos que protagonizan as persoas que precisan ser coidadas tanto como os que viven as propias coidadoras.
Web:
https://elefanteelegante.net/gl/espectaculos/kyoki/Candidaturas
- Espectáculo Infantil : Kyoki
- Actor Secundario : Mario Rodríguez
- Actriz Protagonista : María Torres
- Vestiario : Carolina Díguele
- Iluminación : Nacho Martín
- Dirección : Gonçalo Guerreiro
- Dirección de movemento : Gonçalo Guerreiro e María Torres
- Espazo sonoro : Manuel Fonte
- Espazo escénico : Gonçalo Guerreiro
Compañía
Elefante Elegante
Data estrea:
20/11/2023